May 26, 2021 5pm — Integrated Disease Surveillance Programme, Health & Family Welfare Department, Gov’t. of Mizoram -in COVID-19 dinhmun thar a tihchhuahah chuan darkar 24 kaltaah khan COVID-19 vei thar mi 317 an awm belh a, chutih laiin enkawlna hmun aṭangin mi 34 dama chhuak an awm a, COVID-19 vanga thi an awm lo a ni.

Tun dinhmunah hri kai tawh zawng zawng mi 10,937 niin, enkawl lai mek mi 2,979 awmin, mi 8,224 chu dama chhuah niin, mi 34 -in an thihpui tawh a ni.

Sample test tawh zawng zawng hi 3,75,842 niin, vaccine pek zat hi vawiin mi 3,01,870 an ni tih tarlan a ni bawk.

10:30pm Update: Report dawn belh a nih avangin dama chhuak zat hi mi 132 an ni a, vaccine la tawh zat hi 3,02,284 an ni. Update hmasa aiin test zat leh positive thar zat hi 1 ve vein a kam bawk a ni. Health Department lamin Police Contact Tracing Team aṭanga thu an dawn danin Saron venga hri kai hmuhchhuah pakhat chu RAgT leh RT-PCR -ah a hming a lan nawn avangin test zat leh postive thar zat hi siam ṭhat a nih thu kan dawng.