June 10, 2021 5pm — Integrated Disease Surveillance Programme, Health & Family Welfare Department, Gov’t. of Mizoram -in COVID-19 dinhmun thar a tihchhuahah chuan darkar 24 kaltaah khan COVID-19 vei thar mi 346 hmuh belh niin enkawlna hmun aṭangin mi 150 dama chhuak an awm a, COVID-19 vanga thi thar 1 a awm tih tarlan a ni.

Tun dinhmunah hri kai tawh zawng zawng mi 14,533 niin enkawl lai mek mi 3,433 an la awm a. Mi 11,041 chu dama chhuah tawh niin mi 59 -in an thihpui tawh a ni.

Sample test tawh zawng zawng hi 4,21,136 niin vaccine pek tawh zawng zawng zat hi mi 3,30,328 an ni tih tarlan a ni bawk.

11pm Update: Report lut belh angin, vawiinah dama chhuak thar mi 213 niin, thi thar 3 an awm a ni. Vaccine la tawh zawng zawng pawh mi 3,34,790 an tling tawh a ni.

COVID-19 Dashboard lamah Statistics kimchang zawkin dah a ni.