July 10, 2021 5pm — Integrated Disease Surveillance Programme, Health & Family Welfare Department, Gov’t. of Mizoram -in COVID-19 dinhmun thar a tihchhuahah chuan darkar 24 kaltaah khan COVID-19 vei thar mi 537 hmuh belh niin enkawlna hmun aṭangin mi 115 dama chhuak an awm a, COVID-19 vanga thi thar an awm lo tih tarlan a ni.

Tun dinhmunah hri kai tawh zawng zawng mi 23,551 niin enkawl lai mek mi 4,208 an la awm a. Mi 19,240 chu dama chhuah tawh niin mi 103-in an thihpui tawh a ni.

Sample test tawh zawng zawng hi 5,21,191 niin vaccine pek tawh zawng zawng zat hi mi 6,62,334 an ni tih tarlan a ni bawk.

10:30pm Update: Report lo lut thar angin vawiina dama chhuahtir zawng zawng chu mi 262 niin, COVID-19 vanga thi mi 2 an awm belh a. Vawiin thlenga vaccine pek tawh zat chu mi 6,66,483 an ni tih tarlan a ni.

COVID-19 Dashboard lamah Statistics kimchang zawkin dah a ni.