Kan phurrit chu
Thisen Sang kan tih mai, doctor clinic-ah chuan “high blood pressure” emaw, “hypertension” emaw an tih hian lungphu chawla thih thutna te, tluk thut mai te bakah natna dang dang a hring chhuak teuh thei a ni.
Khawvel pumah hian puitling pathum zela pakhat hian he natna hi an vei nia chhut niin, mi maktaduaih 9 chuang thihna thlentu a ni.
Thisen Sang hian kal na te, mitdelna te, thisen zam chat/puak te bakah thluak hnathawh a khawih buai thei a ni.
Thisen Sang natna hi a lanchhuah nghal mai thin loh avangin mi tam tak hian thisen sang an nei tih an hre lawk lo fo.
He natna hi awlsam taka hriat mai theih leh a enkawlna pawh awlsam tak a nih laiin, ram hnufualah chuan hriselna lam hmanrua leh thawktute an tlem a, mipuite’n inenkawlna tur an nei lo.
Kan do let theih dan
Thisen Sang hi tihdam theih leh ven theih a ni.
Thisen Sang enkawl hma hi lungphu chawla thih thutna te leh tluk thutna te venna tha tak a ni.
Natna awm tan tirha hriat hma a pawimawh hle; puitling zawng zawngin an blood pressure (BP) an hre tur a ni.
Thisen Sang tur laka invenna thenkhatte: chi ei tihtlem; chaw tha (balanced diet) ei; zu nasa taka in loh; taksa sawizawi that leh vaihlo atanga siam thil laka fihlim.
Mi tam tak tan chuan Thisen Sang tihniam tur chuan kan nundan phung leh thil ei leh in dan phung thlak a tawk mai; mi thenkhat tan chuan damdawi ei a ngai a, damdawi man tlawm te te niin daktawr chawh anga ei tur a ni.
Mipuite an thisen san leh san loh hi inentirna hmun hrang hrangah a awm vek tur a ni.
Tlawmngai pawlte hian Thisen Sang venna chungchangah hian tih theih tam tak kan nei a ni.
Eitur siamna hmun – company/hotel/restaurant/thingpui dawr te hian Thisen Sang venna atan nasa takin hma kan la thei a ni – eitura chi leh tel (sa thau leh thlai) telh tam loh hi Thisen Sang venna a ni.
Thisen Sang neih hnua damdawi ei ai chuan kan thil ei turte thlan fimkhur hi a awlsam zawk em em a ni.