Lead poisoning - sual eisual
Lead poisoning – sual eisual

Suan eisual/ei tam lutuk (lead poisoning) hi vantlang hriselna khawih pawi thei tak a nih rualin taksaa hna a thawh dan lanchhuahna hi fel fai taka hriat a harsa hle bawk a. Suan ei tam lutuk vanga taksaa insawiselna lanchhuah țan tirh dante chu:

  • chauh ngawih ngawihna/thatchhiatna
  • thinchhiatna/thinramna
  • chaw chak lohna
  • pum nuam lo/kawpuar
  • ngaihthlak peihna tlahniam
  • muthilh theih lohna

Suan eisual/ei tam lutuk hi a tir phatah enkawl a nih loh chuan natna tihdam chhung rei tak leh natna benvawn hialah a chang thei a ni. Mahse, a natna lanchhuah dan (a chunga kan tarlante khi) natna tlanglawn leh huapzau tak a nih avangin suan eisual hi rinhlelh a hlawh lo țhin hle a ni.

Puitlingah, suan eisualin natna a thlen theihte:

  • tihrawl chet dan dik lo
  • hriatna thazam chhia
  • thisen sang
  • ri hriatna leh hmuh theihna buai
  • chi thlahna buai (etn. mipa chi hut)
  • chhul chhunga naute țhan chak lo

Naupangah, suan eisualin natna a thlen theihte:

  • thluak leh thazam chhia
  • nunphung buaina
  • thisen tlakchham
  • thin leh kal chhia
  • ri hriatna hloh
  • harh uchuak tak
  • țhanțhu
  • ei tam deuh phei chuan thihna

Suan hi taksaa a luh tam lutuk chuan thluak leh hriatna thazam te beiin, nikhaw hre loa tluk mai te, kaih te leh thihna hial a thlen thei a ni. Suan eisual hi puitling aiin naupangah a hlauhawm zawk a, naupang zingah nasa taka sual eisual lo tuar tawhte chu damkhawchhuak leh mah se rilru chak lohna leh nunphunga buaina hrang hrang an nei zui tlangpui a ni.

Thulakna:

  1. WHO
  2. Reagan, P.L. & E.K. Silbergeld. 1989. Establishing a health based standard for lead in residential soils. In: Hemphill and Cothern, eds. Trace substances in environmental health, supplement to Volume 12, (1990) of Environmental Geochemistry and Health