Dated, Aizawl, 23rd September 2024: NHM Employees Union, Mizoram (NEUM) chuan vawiin khan thuchhuah siamin hun rei tak Health Department hnuaia thawk tawhte la duh lo a, NHM hnuaia thawk lai ni lo, mi thar hlak a ngheta lak tumna awm chu an lungawi loh thu an sawi. An thuchuahah hian an President, K Lalrammawia leh General Secretary, H Lalrinmawia te’n hming an ziak a, Sawrkar hmalakna ngaichang zel chungin hemi chungchangah hian hmalak zel an tum a ni.
PRESS RELEASE
Mizoram sawrkarin, The Mizoram Gazette Notification No.A.32013/38/(Pt)/2021-P&AR(GSW), the 18th June 2024 for regularization/regular appointment of Centrally Sponsored Scheme Employees a lo tih chhuah chu lawmawm kan ti hle.
Hetih mek lai hian Health and Family Welfare Department hnuaia regular post lak tur henkhat Health Worker, Staff Nurse, Laboratory Technician, X-ray technician, etc, ruahmanna leh rawtna an siamah NHM hnuaia staff te tana hamthatna awm thei lo zawng a fresh vek a parent department a\anga proposal a kal hi \ha kan ti lo a, pawi kan ti hle a ni.
Hemi chungchang sawi ho hian NHM Employees Union Mizoram (NEUM) Executive Meeting chu Ni 19th September, 2024. Dar1:30 p.m. ah neih a ni a, hetiang hian thutlukna kan siam.
1. Health and Family Welfare Department hnuai a regular post lak tur awm reng rengah The Government of Mizoram Regularization of Centrally Sponsored Scheme (CSS) Employees Scheme 2024 implement anih theih nan, kan department-a kan hotute hian ngaihtuahsak hma min lakpui turin kan phut tlat a ni.
2. Health Worker lakna tura proposal kal lai bikah chuan department in a propose post 150 lakna tur atanga DP&AR in post 51 a ti hniam ta mai hi tha lo kan ti takzet a, a tir a proposal anga kalpui kan phut a, post dang lakna tur (Staff Nurse,X-Ray Technician, Pharmacist etc) fresh a lak tura ruahmanna awm mek ah hian NHM employees te tana 70% tal dah turin kan phut tlat a ni.
3. Health Secretariat Letter No.A.12031/11/2024-HFW/7 Dated 29.7.2024 hmanga Health Directorate te CSS(NHM) Regularisation chungchanga information a dilna vawiin ni thleng a chhan a ni lo hi chhanna pe thuai turin kan phut a ni.
4. A chunga Gazette Notification ang hian Health and Family Welfare Department-a vacant post awm zawng zawng 70% tal, National Health Mission hnuaia kum 10 thawk tawhte tan, an mahni corresponding post theuh ah regularise nise kan ti a.
Tin, NHM hnuaia Contractual a kum 10 chuang thawk mek Health and Family Welfare Department a Corresponding post neilo zawng zawngte tan Special post (temporary post) siam sak a regularise hi kan phut bawk a ni.
Keini NEUM memberte chuan sorkar hmalakna kan ngai chang dawn a, hmalakna mumal a awmloh chuan September 26-28, 2024 chhung hian badge dum bel a lungawi lohna lan tir kan tum a, hma kan sawn lo a nih chuan kan kal zel dan tur ngaihtuah a ni ang.